Kondairak dioenez, aspaldiko garai batean, Iparraldeko Gizonak deiturikoek, kostalde hau sarritan indarrez hartzen saiatzen omen ziren, bertakoen bizimodu lasaia galeraziz. Bikingoen eraso hauek geldiarazi nahian, hiru emakume aztik bat egin zuten, konjuro bat eginez.

Mari Zaharra, Mari eta Mari Txiki ziren hiru azti hauek: Hiru Mariak ere deitzen zieten. Eta urrutitik etortzen ziren drakkar ontzi mehatxatzaile haiek, gure hiru aztien haserre biziarekin aurrez aurre topo egin beharko zuten, hauen herrialdeak suntsitu baino lehen.

Itsasoko gizon beldurgarri haientzako lehen abisua, Mari Txikik bidalitako olatu bortitz baten bidez adierazitakoa izango zen; euren barkuak astindu eta norabidea galarazteko moduko olatua sortuko zuen Mari Txikik. Abisu honi kasurik egiten ez bazioten, Marik sortuko zuen bigarren olatu oldartsu bat, itsasontziak iraultzeko moduko olatu bat. Beldurrez, bikingoek bira egitea erabakiko zuten. Hala eta guztiz ere ez balute etsiko, hirugarren olatu erraldoi batek hondoratuko lituzke ontziak, betirako.

Hala gertatu behar omen zuen eta halaxe izan zen: Bikingoen drakkar ontziak Mari Zaharrak bidalitako hirugarren olatu erraldoiak urperatu zituen.

Hala ere, olatuen konjuroaren ostean, lasaitasuna zela nagusi, bapatean Iparraldeko drakkar anker eta basatiena berriz ere agertu zen. Zeruertzean ikus zitekeen haren itzala, beldurgarri. Denbora alferrik galdu gabe, hiru aztiek euren indarrak batu eta ontziari eraso egin zioten. Baina une batez, bazirudien ontzi horrek egundoko olatu horren indarrari eutsiko ziola…

Denbora luzearen ostean, norbaitek esan omen zuen, bikingoen drakkarrekin amaitu zuten olatu haiek, mendiak bezain handiak zirela. Suitzar mendiak bezain handiak.

Baina, azken drakkar beldurgarri hura benetan hondoratu al zen? Erantzuna jakin nahi baduzu, Igeldo Mendiko Jolas-Parkean dagoen Suitzar Mendira etorri beharko duzu. Zeren zain zaude?